Til bakaPrenta
Bæjarstjórn Mosfellsbæjar - 762

Haldinn 2. hæð Helgafell,
27.05.2020 og hófst hann kl. 16:30
Fundinn sátu: Bjarki Bjarnason (BBj) forseti,
Sveinn Óskar Sigurðsson (SÓS) 1. varaforseti,
Ásgeir Sveinsson (ÁS) 2. varaforseti,
Kolbrún G Þorsteinsdóttir (KGÞ) aðalmaður,
Valdimar Birgisson (VBi) aðalmaður,
Haraldur Sverrisson aðalmaður,
Margrét Guðjónsdóttir (MGu) 1. varabæjarfulltrúi,
Anna Sigríður Guðnadóttir (ASG) aðalmaður,
Rúnar Bragi Guðlaugsson (RBG) aðalmaður,
Michele Rebora (MR) 2. varamaður,
Arna Björk Hagalínsdóttir (ABH) 1. varabæjarfulltrúi,
Þóra Margrét Hjaltested þjónustu- og samskiptadeild.
Fundargerð ritaði: Þóra M. Hjaltested, lögmaður Mosfellsbæjar
Við upphaf fundar er samþykkt að bætt verði nýju máli á dagskrá fundarins, málinu kosningar í nefndir og ráð, sem verði dagskrárliður nr. 7.


Dagskrá: 
Fundargerð
1. 202005008F - Bæjarráð Mosfellsbæjar - 1443
Fundargerð 1443. fundar bæjarráðs lögð fram til afgreiðslu á 762. fundi bæjarstjórnar eins og einstök erindi bera með sér.
1.1. 201802204 - Ljósleiðari í dreifbýli
Lögð fram niðurstaða úr útboði vegna ljósleiðaratengingar í dreifbýli í Mosfellsbæ
Samþykkt með þremur atkvæðum að bæjarstjóra verði falið að ganga til samninga við Mílu um uppbyggingu og rekstur ljósleiðarakerfis í dreifbýli í Mosfellsbæjar í samræmi við skilmála útboðsins.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.2. 202003415 - Styrkir til greiðslu fasteignaskatts 2020 til félaga og félagasamtaka.
Tillaga um styrki til greiðslu fasteignaskatts 2020 á grundvelli reglna um styrki til greiðslu fasteignaskatts til félaga og félagasamtaka.
Samþykkt með þremur atkvæðum að veita styrki skv. reglum um styrki til greiðslu fasteignaskatts til félaga og félagasamtaka þannig að veittur sé styrkur fyrir 90% af fasteignaskatti, þó að hámarki kr. 900.000 til hvers félags. Þau félög sem veitt verði styrkur á árinu 2019 eru Flugklúbbur Mos, Rauði krossinn í Mosfellsbæ, Kiwanisklúbburinn Geysir og Skátafélagið Skjöldungur. Heildarfjárhæð styrkja er kr. 1.182.320.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.3. 201909164 - Kortlagning og úttekt vegna mögulegrar notkunar á asbesti í húsnæði Mosfellsbæjar.
Úttektarskýrsla Skimu ehf. lögð fyrir bæjarráð.
Á 1412. fundi bæjarráðs var samþykkt tillaga Miðflokksins um að unnin yrði úttekt á notkun á asbesti sem byggingarefni í húsnæði á vegum Mosfellsbæjar með sérstaka áherslu á leik- og grunnskóla. Á fundinum samþykkti bæjarráð að vísa tillögunni til umhverfissviðs
Mosfellsbæjar til umsagnar og afgreiðslu.

Úttektarskýrsla Skimu ehf. var lögð fram til kynningar.

Niðurstaða þessa fundar
Bókun M-lista:
Bæjarfulltrúi Miðflokksins í Mosfellsbæ hefur ekki séð að reglulegt eftirlit (mánaðarlegt sbr. áréttingu Skimu um slíkt eftirlit) hafi verið í Varmárskóla vegna asbests og ekki séð að haldið hafi verið utan um þessi mál af hálfu Mosfellsbæjar. Nú liggur fyrir að mikið af asbesti er í Varmárskóla og ekki hefur verið kortlagt áður hvar það er að finna. Einnig er ljóst að vitneskja starfsmanna bæjarins um tilvist asbests í skólanum hafi verið til staðar áður en Skima kom að þessari rannsókn sem hér er til umfjöllunar. Það er miður að ekkert hafi verið gert svo lengi. Mikilvægt er að gerð verði viðamikil lýðsheilsurannsókn allra starfsmanna og nemenda sem hafa starfað í skólanum sem nemendur, kennarar eða aðrir starfsmenn. Einnig er mikilvægt að gögn verði send Heilbrigðiseftirliti Kjósasvæðis hið fyrsta og það upplýst um ferlið og fulltrúa þess veittur aðgangur að öllum gögnum málsins og rannsóknarupplýsingum.

Bókun C-lista:
Bæjarfulltrúi Viðreisnar leggur á það áherslu að skólahúsnæði Mosfellsbæjar sé heilsusamlegt og að starfsfólk sem þar starfar sem og foreldrar í Mosfellsbæ hafi fullvissu um að svo sé. Til þess þarf reglubundið eftirlit og gegnsæi við framkvæmdir. Bæjarfulltrúi Viðreisnar hvetur til þess að þeim úrbótum sem eftir er að vinna og úttektum á skólahúsnæði Varmárskóla sé hraðað eins og kostur er.

Bókun D- og V-lista
Í skýrslu Skimu sem fylgir þessu máli er fullyrt að ekki stafi hætta af því asbesti sem fannst í Varmárskóla. Það er ekki ástæða til annars en að treysta sérfræðingum í þessu máli og fara að þeim ráðum sem gefin eru hvenær fjarlægja á asbestið.

Bæjarráð Mosfellsbæjar samþykkti að láta skima allt húsnæði Mosfellsbæjar þar sem hugsanlegt væri að asbest væri hluti af byggingarefni í húsnæðinu.
Alls voru 9 fasteignir skimaðar sem voru byggð á þeim árum sem asbest var leyfilegt byggingarefni.

Í einu húsanna sem voru skimuð fannst asbest í hluta af sólbekkjum í einum skóla bæjarins.

Vinnueftirlitið gerði ekki kröfu um að þessir sólbekkir yrðu fjarlægðir, en Mosfellsbær hefur tekið ákvörðun um að það verði samt sem áður gert í sumar af verktökum sem til þess að hafa leyfi, að fengnum leyfum frá eftirlitsaðilum.

Heilbrigðiseftirlit Kjósasvæðis er upplýst um málið og hefur fengið send gögnum það, auk þess sem fultrúar Umhverfissvið Mofellsbæjar hafa fundað með heilbrigðiseftirlitinu.

Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.4. 202005081 - Lagning jarðstrengja yfir lóðina Laxnes 1 - samþykki Mosfellsbæjar óskað.
Samþykki Mosfellsbæjar, sem eins eiganda að lóðinni Laxnes 1 (L123694) óskað fyrir lagningu strengs í jörðu í tengslum við að Orkuveita Reykjavíkur og Veitur hyggjast leggja strengi í jörðu í Mosfellsdal og reisa þar samdreifistöðvar.
Samþykkt með þremur atkvæðum að Mosfellsbær veiti samþykki sitt sem eins eiganda að lóðinni Laxnes 1 (L123694) fyrir lagningu strengs í jörðu í tengslum við að Orkuveita Reykjavíkur og Veitur hyggjast leggja strengi í jörðu í Mosfellsdal og reisa þar samdreifistöðvar með því skilyrði að framkvæmdaraðila sé skylt að leita tilskilinna leyfa og umsagna vegna vatnsverndar.


Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.5. 202004177 - Minnkandi starfshlutfall - Atvinnuleysi
Uppfærð gögn - Minnkandi starfshlutfall og atvinnuleysi.
Uppfærðar upplýsingar frá Sambandi íslenskra sveitarfélaga um fjölda sem nýtt hefur minnkandi starfshlutfall og upplýsingar um hlutfall atvinnuleysis lagðar fram.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.6. 202005092 - Erindi frá starfsstjórn Reykjalundar.
Starfsstjórn Reykjalundar leitar til Mosfellsbæjar um tilnefningu á einstaklingi í stjórn Reykjalundar.
Bæjarráð samþykkir með þremur atkvæðum að taka erindi starfsstjórnar með jákvæðum hætti og samþykkir að bæjarstjóri Mosfellsbæjar verði tilnefndur í stjórn Reykjalundar.



Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.7. 202005097 - Trúnaðarmál - starfsmannamál Heilbrigðiseftirlits Kjósarsvæðis
Trúnaðarmál - starfsmannamál Heilbrigðiseftirlits Kjósarsvæðis
Málið lagt fram og kynnt og eftirfarandi bókun samþykkt með þremur atkvæðum bæjarráðs.

Af lögum um hollustuhætti og mengunareftirlit er skýrt að heilbrigðisnefnd er falið að ráða heilbrigðisfulltrúa, þ.á m. framkvæmdastjóra Heilbrigðiseftirlitsins. Af því leiðir jafnframt að heilbrigðisnefndin fer með aðrar ákvarðanir sem varða ráðningu starfsmanna, þ.á m. ákvörðun um starfslok.

Ákvarðanir heilbrigðisnefndar verða þó að rúmast innan þeirra fjárhagsáætlunar sem samþykkt hefur verið af bæjarstjórn, sbr. 46. gr. laganna. Bæjarráð leggur ríka áherslu á að við ákvörðun um ráðningar og starfslok starfsmanna Heilbrigðiseftirlitsins beri að gæta þeirra almennu reglna og sjónarmiða sem gilda um mannauðsmál sveitarfélaga. Við slíkar ákvarðanir er ennfremur lögð sérstök áhersla á að sjónarmið um góða stjórnsýsluhætti séu uppfyllt.

Niðurstaða þessa fundar
Bókun M-lista
Bæjarfulltrúi Miðflokksins í Mosfellsbæ vill benda á að Mosfellsbær hóf ferli við að leggja niður Heilbrigðiseftirlit Kjósasvæðis án þess að tilkynna þau áform framkvæmdastjóra og starfsmanni eftirlitisins í tíma. Slíkt framferði er ekki til fyrirmyndar og vonar bæjarfulltrúi Miðflokksins að vandað verði betur til verka þegar ráðist er í svo viðamiklar breytingar.

Bókun D- og V-lista:
Mosfellsbær hefur ekki óskað eftir að Heilbrigðiseftirlit Kjósasvæðis verði lagt niður. Fram er komin ósk um að Mosfellsbær verði hluti af heilbrigðiseftirliti Hafnarfjarðar, Kópavogs og Garðabæjar.
Samkvæmt bókun bæjarráðs í málinu er það í verkahring heilbrigðisnefndar að sinna vinnuveitendahlutverki gagnvart starfsmönnum heilbrigðiseftirlitsins.

Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.8. 202005091 - Umsagnarbeiðni Samkeppniseftirlitsins vegna kaupa Malbikunarstöðvarinnar Hlaðbær Colas á eignum Drafnarfells.
Umsagnarbeiðni Samkeppniseftirlitsins vegna kaupa Malbikunarstöðvarinnar Hlaðbæjar Colas á eignum Drafnarfells til fræsunar á malbiki - frestur til 14. maí nk.
Erindi Samkeppniseftirlitsins lagt fram.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.9. 202005078 - Frumvarp til laga um svæðisbundna flutningsjöfnun - beiðni um umsögn
Frumvarp til laga um svæðisbundna flutningsjöfnun - beiðni um umsögn fyrir 20. maí
Frumvarpið lagt fram.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.10. 202005095 - Frumvarp til laga um samvinnuverkefni um vegaframkvæmdir - beiðni um umsögn
Frumvarp til laga um samvinnuverkefni um vegaframkvæmdir - beiðni um umsögn fyrir 22. maí
Bæjarráð Mosfellsbæjar fagnar framkomnu frumvarpi um að stærri vegaframkvæmdir séu unnar sem samvinnuverkefni ríkis og einkaaðila. Bæjarráð Mosfellsbæjar lýsir sérstakri ánægju með að framkvæmdir við Sundabraut séu hluti af þessu frumvarpi og hvetur yfirvöld til þess að farið verði strax af stað með vinnu við lagningu við Sundabraut sem er löngu tímabær. Bókun bæjarráðs verði send Alþingi.


Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
1.11. 202005044 - Frumvarp til laga um breytingu á barnalögum (skipt búseta barns)- beiðni um umsögn
Frumvarp til laga um breytingu á barnalögum(skipt búseta barns)- beiðni um umsögn fyrir 26. maí
Frumvarpið lagt fram og samþykkt með þremur atkvæðum að vísa málinu til umsagnar framkvæmdastjóra fjölskyldusviðs og framkvæmdastjóra fræðslu- og frístundasviðs.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2. 202005018F - Bæjarráð Mosfellsbæjar - 1444
Fundargerð 1444. fundar bæjarráðs lögð fram til afgreiðslu á 762. fundi bæjarstjórnar eins og einstök erindi bera með sér.
2.1. 202005089 - SSH - Greiðslur til samgöngusáttmála.
Greiðslur til samgöngusáttmála - til kynningar.
Lagt fram til kynningar.

Niðurstaða þessa fundar
Tillaga M-lista:
Bæjarstjórn Mosfellsbæjar leggur til að Borgarlínuverkefninu verði frestað um óákveðinn tíma. Þess í stað verði lögð áhersla á að fjármagni, sem annars yrði varið í það verkefni, sé ráðstafað í lagninu Sundabrautar með nýju samkomulagi á milli sveitarfélaga á höfuðborgarsvæðinu og ráðherra samgöngu- og sveitarstjórnarmála. Bæjarstjórn felur bæjarstjóra að senda erindi þessa efnis til hlutaðeigandi aðila að framangreindum sáttmála.

Tillögunni er hafnað með átta atkvæðum. Fulltrúi M-lista kýs með tillögunni.

Bókun M-lista:
Bæjarfulltrúi Miðflokksins í Mosfellsbæ telur að líkur eru á því að Borgarlínuverkefnið, eins og það stendur í dag, geti orðið dragbítur á fjárhag sveitarfélaga og aðrar samgöngubætur á höfuðborgarsvæðinu á næstu árum sem eru hagkvæmari, sbr. Sundabraut sem er nánast tilbúið verkefni sem getur skapað störf mun fyrr. Mikilvægt er því að fresta Borgarlínuverkefninu um óákveðin tíma en huga að því engu að síður sem ákveðnum kosti sem ekki er tímabær. Fjármagn það sem ætlað er í Borgarlínuverkefnið er ekki vel skilgreint, lítið sem ekkert vitað um rekstrarkostnað og engar áætlanir liggja fyrir áður en hafist var handa við það verkefni. Því er í því fólgin mikil áhætta. Sundabraut er hins vegar vel skilgreint verkefni, bráðnauðsynlegt og arðbærara verkefni langt umfram það sem ætla má varðandi Borgarlínuverkefnið.


Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.2. 202005127 - Frumvarp til laga um heimild til að stofna opinbert hlutafélag um samgönguinnviði á höfuðborgarsvæðinu - beiðni um umsögn.
Frumvarp til laga um heimild til að stofna opinbert hlutafélag um uppbyggingu samgönguviða á höfuðborgarsvæðinu - beiðni um umsögn fyrir 22. maí.
Lagt fram.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.3. 201902055 - Rekstur Skálatúns 2019 og aðkoma sáttasemjara.
Aðkoma sáttasemjara að rekstri Skálatúns og viðbrögð Skálatúns við niðurstöðum úttekar.
Bæjarráð upplýst um stöðu viðræðna um rekstur Skálatúns. Bæjarstjóra og framkvæmdastjóra fjölskyldusviðs falið að halda áfram viðræðum við málsaðila um lausn málsins.


Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.4. 202002126 - Umgengni á lóð Vöku hf. á Leirvogstungumelum.
Minnisblað umhverfisstjóra vegna umgengi á lóð Vöku hf. á Leirvogstungumelum.
Samþykkt með þremur atkvæðum eftirfarandi bókun:

Mosfellsbær hefur verið í samskiptum við fulltrúa Vöku vegna brota þeirra á umgengni og nýtingu á landi í þeirra eigu á Leirvogstungumelum.

Þrátt fyrir loforð frá Vöku um hreinsun á svæðinu hefur ekki verið brugðist við athugasemdum Mosfellsbæjar og er úrbóta krafist tafarlaust.

Málið hefur verið unnið í samráði og samstarfi við Heilbrigðiseftirlit Kjósarsvæðis, en án árangurs hingað til.

Bæjarráð Mosfellsbæjar fer fram á að heilbrigðiseftirlit Kjósasvæðis bregðist hart við í málinu og beiti tiltækum heimildum sem eftirlitið hefur til þess að sjá til þess að fyrirtækið bregðist við athugasemdum og hætti brotum sínum um umgengi og óleyfilega nýtingu landsins tafarlaust.

Bæjarráð skorar einnig á heilbrigðisnefnd Kjósasvæðis að fylgja málinu eftir af fullum þunga.

Niðurstaða þessa fundar
Bókun M-lista:
Bæjarfulltrúi Miðflokksins í Mosfellsbæ áréttar að í bókun bæjarráðs Mosfellsbæjar er farið með ósannindi. Heilbrigðisnefnd hefur þegar brugðist við og aðgerðir eru þegar áformaðar. Rekja má langt aftur að framkvæmdastjóri Heilbrigðiseftirlits Kjósasvæðis, þ.e. í júlí 2018, gerði athugasemdir við starfsemi Vöku með erindi þess efnis á þeim tíma. Bæjarráð synjaði erindi Vöku á sínum tíma á fundi sínum 18. júlí 2019. Á fundi bæjarráðs nr. 1432 þann 20. febrúar 2020 er bókað: ,,Samþykkt með 3 atkvæðum að stöðva frekari samningaviðræður við Vöku um nýtingu landsvæðis á Leirvogstungumelum þar til brugðist hefur verið með fullnægjandi hætti við athugasemdum umhverfisstjóra frá 7. febrúar 2020.?. Þá eru liðnir um 7 mánuðir frá því að bæjaráð Mosfellsbæjar synjaði erindi Vöku 18. júlí 2019 og um 22 mánuðir frá því að framkvæmdastjóri Heilbrigðiseftirlits Kjósasvæðis stöðvaði starfsemi Vöku. Það sem er öllu alvarlega er að hér er bókun ekki sannleikanum samkvæmt enda fundaði heilbrigðisnefnd Kjósasvæðis 19. maí 2020, þ.e. daginn áður en þessi bókun var ferð í fundargerð.

Bókun D- og V-lista:
Meirihluti D og V lista í bæjarstjórn Mosfellsbæjar stendur að fullu við bókun bæjarráðs frá fundi númer 1444 um málefni Vöku á Leirvogstungumelum.

Samkvæmt fundargerðum heilbrigðisnefndar stöðvaði heilbrigðiseftirlitið ekki neina starfsemi Vöku í júlí árið 2018 enda var Vaka ekki með starfsemi á þeim tíma á svæðinu. Mosfellsbær hefur verið í samskiptum við fulltrúa Vöku vegna brota þeirra á umgengni og nýtingu á landi í þeirra eigu á Leirvogstungumelum.

Þrátt fyrir loforð frá Vöku um hreinsun á svæðinu hefur ekki verið brugðist við athugasemdum Mosfellsbæjar og er úrbóta krafist tafarlaust.

Málið hefur verið unnið í samráði og samstarfi við Heilbrigðiseftirlit Kjósarsvæðis, en án árangurs hingað til.

Þess vegna fór Bæjarráð Mosfellsbæjar fram á að Heilbrigðiseftirlit Kjósasvæðis myndi bregðast hart við í málinu. Eftirlitið myndi beita tiltækum heimildum sem eftirlitið hefur til þess að sjá til þess að fyrirtækið bregðist við athugasemdum og hætti brotum sínum um umgengni og óleyfilega nýtingu landsins tafarlaust.

Bæjarráð skoraði einnig á heilbrigðisnefnd Kjósarsvæðis að fylgja málinu eftir af fullum þunga.

Bókun fulltrúa M lista í þessu máli stenst enga skoðun, og fullyrðingum í bókun hans um rangfærslur í bókun bæjarráðs í málinu er vísað á bug.

Bókun S- og C-lista:
Heilbrigðisnefnd ber að sjá um að framfylgt sé ákvæðum laga og reglugerða sem settar eru skv. lögum nr. 7/1998 um hollustuhætti og mengunarvarnir með síðari breytingum, samþykktum sveitarfélaga og ákvæðum í sérstökum lögum eða reglum sem nefndinni er eða kann að verða falið að annast um framkvæmd á.

Bæjarráð áréttaði þetta hlutverk eftirlitsins í bókun sinni á fundi að morgni 20. maí, enda hafi eftirlitið ekki brugðist við endurteknum beiðnum bæjaryfirvalda um aðgerðir gegn óþolandi framgöngu fyrirtækisins varðandi umgengni sem mengunarhætta stafar af. Heilbrigðisnefnd fól síðan Heilbrigðiseftirlitinu að setja málið í forgang á fundi sínum kvöldið 19. maí sem er vel.

Við vísum á bug tilraunum Miðflokksins til að þyrla upp pólitísku ryki og að reyna að setja þetta mál í flokkspólitískar skotgrafir.


Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.5. 201906038 - Æfingarsvæði golfvallar í Mosfellsdal.
Æfingarsvæði golfvallar í Mosfellsdal og möguleg kaup Laufskála fasteignafélags á landi í eigu Mosfellsbæjar.
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.6. 202005080 - Átaksverkefni - sumarstörf námsmanna.
Átaksverkefni - sumarstörf námsmanna.
Bæjarráð Mosfellsbæjar tekur undir athugasemdir Mosfellsbæjar til Vinnumálastofnunar um endurskoðun á úhlutun starfa til námsmanna á höfuðborgarsvæðinu.

Jafnræði um úthlutun milli sveitarfélaga var ekki gætt, þó svo að atvinnuleysi ungs fólks á höfuðborgarsvæðinu sé sambærilegt og var störfum úthlutað með mismunandi hætti og er um mikla mismunun að ræða Mosfellsbæ í óhag.

Bæjarráð skorar á Vinnumálastofnun að úhlutun starfa til Mosfellsbæjar verði endurskoðuð þannig að jafnræði ríki milli námsmanna á höfuðborgarsvæðinu enda telst höfuðborgarsvæðið eitt atvinnusvæði.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.7. 202005142 - Strætó - ný gjaldskrárstefna.
Strætó - ný gjaldskrárstefna.
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.8. 202005062 - Leiksvæði í Mosfellsbæ - Framkvæmd.
Heimild til útboðs á framkvæmdum tveggja nýrra leiksvæða.
Samþykkt með þremur atkvæðum að framkvæmdir á leiksvæði í Leirvogstunguhverfi og Helgafellshverfi verði boðið út sem ein heild til samræmis við fyrirliggjandi minnisblað.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.9. 201912121 - Súluhöfði, samgöngutígar og jarðvegsmanir-Gatnagerð.
Lögð fyrir bæjarráð niðurstaða útboðs í stígagerð neðan Súluhöfða.
Samþykkt með þremur atkvæðum að hafna öllum tilboðum í verkið. Samþykkt að verkið verði einfaldað og boðið út að nýju.


Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.10. 202005135 - Frumvarp til laga um breytingu á lögum um uppbyggingu og rekstur fráveitna - beiðni um umsögn.
Frumvarp til laga um um breytingu á lögum um uppbyggingu og rekstur fráveitna - beiðni um umsögn fyrir 19. maí.
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.11. 202005183 - Frumvarp til laga um útlendinga og atvinnuréttindi útlendinga - beiðni um umsögn.
Frumvarp til laga um útlendinga og atvinnuréttindi útlendinga - beiðni um umsögn fyrir 29. maí
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.12. 202005227 - Tillaga Viðreisnar - styrkir til skóla Mosfellsbæjar til að kynna nemendum náttúru Íslands.
Viðreisn Mosfellsbæjar leggur til að settar verði 1,3 milljónir til skóla Mosfellsbæjar til þess að kynna nemendum náttúru Íslands.
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
2.13. 202005229 - Tillaga frá Viðreisn - opnunartími Lágafellslaugar.
Tillaga frá Viðreisn um að opnunartími Lágafellslaugar verði lengdur þannig að opið verði til kl. 22 alla daga nema sunnudaga, til reynslu út ágúst.
Frestað sökum tímaskorts.

Niðurstaða þessa fundar
Afgreiðsla 1443. fundar bæjarráðs samþykkt á 762. fundi bæjarstjórnar með níu atkvæðum.
3. 202005020F - Fjölskyldunefnd Mosfellsbæjar - 293
Fundargerð 293. fundar fjölskyldunefndar lögð fram til afgreiðslu á 762. fundi bæjarstjórnar eins og einstök erindi bera með sér.
3.1. 202004005 - Covid-19 stöðuskýrsla fjölskyldusviðs
Yfirlit yfir stöðu mála á fjölskyldusviði í ljósi Covid-19
Fulltrúar fjölskyldusviðs fóru yfir skýrsluna og ræddu hana.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
3.2. 202003440 - NPA notendur og Covid19
Bréf til Mosfellsbæjar frá NPA miðstöðinni vegna COVID-19
Erindið er lagt fram, verkefnastjóri þróunar- og gæðamála greinir frá viðbrögðum fjölskyldusviðs í einstökum málum og mun hann svara erindinu.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
3.3. 201911199 - Samtölublað 2019
Skýrsla til Barnaverndarstofu vegna 2019
Skýrsla um barnavernd til Barnaverndarstofu lögð fram ásamt minnisblaði með samanburði á lykiltölum milli ára.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
3.4. 202001284 - Starfsáætlun fjölskyldunefndar 2020
Starfsáætlun fjölskyldunefndar
Fjölskyldunefnd fer yfir starfsáætlun og gerir breytingu á henni í samræmi við umræðu fundarins.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
3.5. 202005013F - Trúnaðarmálafundur 2018-2022 - 1365
Fundargerð 1364. trúnaðarmálafundar tekin fyrir á 293. fundi fjölskyldunefndar eins og einstök mál bera með sér.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
3.6. 202005015F - Barnaverndarmálafundur 2018-2022 - 689
Fundargerð 689. barnaverndarmálafundar tekin fyrir á 293. fundi fjölskyldunefndar eins og einstök mál bera með sér.

Niðurstaða þessa fundar
Afgreiðsla 293. fundar fjölskyldunefndar samþykkt á 762. fundi bæjarstjórnar með níu atkvæðum.
4. 202005016F - Fræðslunefnd Mosfellsbæjar - 376
Fundargerð 376. fundar fræðslunefndar lögð fram til afgreiðslu á 762. fundi bæjarstjórnar eins og einstök erindi bera með sér.
4.1. 2018084656 - Innleiðing á nýjum persónuverndarlögum
Lagðar fram til kynningar reglur um hvernig starfsmenn í skóla- og frístundastarfi í Mosfellsbæ skulu haga ljósmyndatökum, myndbandsupptökum og hljóðupptökum af börnum við dagleg störf sín. Þá fjalla reglurnar einnig um notkun á mynd- og hljóðefni þar sem börnin koma fyrir. Reglurnar verða kynntar í skólum og frekari verklagsreglur unnar í samstarfi við skólastjórnendur.
Kynning á leiðbeiningum um myndatökur og birtingu myndefnis í starfsemi skóla og frístundastarfi í Mosfellsbæ.


Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
4.2. 202005170 - Viðmiðunarreglur um ástundun í grunnskólum Mosfellsbæjar
Lagt fram til umræðu og samþykktar
Fræðslunefnd samþykkir viðmiðunarreglur um ástundun í grunnskólum Mosfellsbæjar. Reglurnar gilda fyrir næsta skólaár, 2020-2021 og verða teknar til endurskoðunar í maí 2021.

Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
4.3. 202005082 - Innritun í leik- og grunnskóla Mosfellsbæjar haustið 2020
Lagðar fram upplýsingar um stöðuna á innritun í leik- og grunnskóla í Mosfellsbæjar fyrir haustið 2020.
Fræðslunefnd þakkar greinagóðar upplýsingar um innritun í leik- og grunnskóla vorið 2020.

Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
4.4. 202005221 - Ytra mat á Krikaskóla, 2020
Boðunarbréf - ytra mat á Krikaskóla haustið 2002
Lagt fram til kynningar boðun frá Menntamálastofnun um ytra mat á Krikaskóla sem fram fer haustið 2020.

Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
4.5. 202001138 - Klörusjóður
Lagt fram til upplýsinga
Auglýsing og reglur um nýstofnaðan þróunarsjóð fyrir skóla- og frístundastarf í Mosfellsbæ lagðar fram til kynningar.

Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
4.6. 202005222 - Ungbarnadeild í Leirvogstunguskóla
Kynning á nýrri ungbarnadeild í Leirvogstunguskóla og heimsókn í skólann að kynningu lokinni
Leikskólastjóri Leirvogstunguskóla kynnti nýtt húsnæði við leikskólann sem verið er að taka í notkun um þessar mundir. Alls munu bætast við 30 pláss í leikskólann og þar af 15 pláss fyrir yngsta árganginn.

Niðurstaða þessa fundar
Afgreiðsla 376. fundar fræðslunefndar samþykkt á 762. fundi bæjarstjórnar með níu atkvæðum.
5. 202005019F - Menningar- og nýsköpunarnefnd - 17
Afgreiðslu fundargerðarinnar frestað til næsta fundar bæjarstjórnar 10. júní 2020.
5.1. 202001270 - Þjónustukönnun sveitarfélaga 2019
Kynning á niðurstöðum þjónustukönnunar sveitarfélaga 2019.
Kynning á þjónustukönnun sveitarfélaga 2019.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
5.2. 201506088 - Vinabæjarmálefni
Vinabæjaráðstefna sem fyrirhuguð var í ágúst nk. í Loimaa Finnlandi, frestast til 2021 vegna COVID-19 .
Upplýst um frestun vinabæjarráðstefnu sem fara átti fram haustið 2020.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
5.3. 202005185 - Bæjarlistamaður Mosfellsbæjar 2020
Lagt er til að auglýst verði eftir tillögum um útnefningu bæjarlistamanns Mosfellsbæjar 2020.
Samþykkt að auglýsa eftir tilnefningum til bæjarlistamanns Mosfellsbæjar 2020.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
5.4. 202001408 - Förgun listaverks. Eva og eplið
Upplýst um að listaverk í eigu Mosfellsbæjar sé skemmt.
Samþykkt að verki skuli fargað.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
5.5. 202005186 - Áhrif COVID-19 á starfsemi safna í Mosfellsbæ
Forstöðumaður bókasafns og menningarmála fer yfir áhrif COVID-19 á starfsemi Bókasafns Mosfellsbæjar og Héraðsskjalasafns Mosfellsbæjar.
Forstöðumaður bókasafns og menningarmála fer yfir áhrif COVID-19 á starfsemi Bókasafns Mosfellsbæjar og Héraðsskjalasafns Mosfellsbæjar.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
5.6. 202005189 - Fjöldasamkomur sumarið 2020
Forstöðumaður bókasafns og menningarmála fer yfir stöðu mála vegna 17. júní og bæjarhátíðarinnar Í túninu heima í ljósi þeirra fjöldatakmarkana sem eru í gildi vegna COVID-19.
Yfirlit yfir stöðu mála hvað varðar fjöldasamkomur sumarið 2020 í ljósi COVID-19.

Niðurstaða þessa fundar
Afgreiðsla 17. fundar bmennigar- og nýsköpunarnefndar samþykkt á 762. fundi bæjarstjórnar með níu atkvæðum.
6. 202005010F - Skipulagsnefnd Mosfellsbæjar - 515
Fundargerð 515. fundar skipulagsnefndar lögð fram til afgreiðslu á 762. fundi bæjarstjórnar eins og einstök erindi bera með sér.
6.1. 201809062 - Varmárbakkar, lóðir fyrir hesthús - breyting á deiliskipulagi
Lagðar eru fram til kynningar umsagnir og athugasemdir vegna auglýstrar tillögu að deiliskipulagsbreytingu hesthúsasvæðis við Varmárbakka. Umsagnarfrestur var til 10. apríl sl.
Umsögn barst frá Umhverfisstofnun, dags. 18. mars. 2020
Aðrar athugasemdir íbúa bárust 6. mars, 30. mars, 6. apríl, 8. apríl, 9. apríl og 10. apríl.
Málinu var frestað vegna tímaskorts á fundi 514.
Skipulagsfulltrúa falið að funda með fulltrúum Hestamannafélagsins Harðar og skipulagshöfundum um áframhaldandi vinnu við skipulagstillöguna.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.2. 202003222 - Flugubakki 4F - stækkun hesthúss
Borist hefur erindi frá Hólmfríði Halldórsdóttur, f.h. eiganda að Flugubakka 4F, dags. 11.03.2020, með ósk um stækkun á hesthúsi.
Málinu var frestað vegna tímaskorts á fundi 514.
Skipulagsnefnd vísar erindinu inn í vinnu við deiliskipulag hesthúsasvæðis á Varmárbökkum.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.3. 201908422 - Lundur í Mosfellsdal - breyting á deiliskipulagi
Lögð eru fram svör við athugasemdum sem bárust vegna auglýstrar tillögu. Deiliskipulagið lagt fram til afgreiðslu.
Málinu var frestað vegna tímaskorts á fundi 514.
Skipulagsfulltrúa falið að svara innkomnum athugasemdum í samræmi við minnisblað. Deiliskipulag samþykkt og skal hljóta afgreiðslu skv. 42. gr. skipulagslaga nr. 123/2010.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.4. 202004307 - Bílastæði við Mosfellskirkju - framkvæmdaleyfi
Borist hefur erindi frá Hermanni Georg Gunnlaugssyni, f.h. sóknarnefndar Lágafellskirkju, dags. 12.04.2020. Óskað er eftir framkvæmdaleyfi vegna yfirborðsfrágangs á bílastæðum austan kirkjunnar.
Málinu var frestað vegna tímaskorts á fundi 514.
Helga Jóhannesdóttir fulltrúi D lista og Stefán Ómar Jónsson fulltrúi L lista víkja af fundi undir þessum dagskrárlið. Skipulagsnefnd er samþykk útgáfu framkvæmdaleyfis skv. 13. gr. skipulagslaga nr. 123/2010 í samræmi við innsend gögn.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.5. 202003407 - Gróðurstöðvar Skeggjastöðum
Borist hefur erindi frá Einari Gunnarssyni, f.h. Grænna Skóga ehf., dags. 24.04.2020, með ósk um heimild til að taka prufuholur vegna uppbyggingar á Skeggjastöðum L123764.
Málinu var frestað vegna tímaskorts á fundi 514.
Skipulagsnefnd gerir ekki athugasemd við að Grænir Skógar ehf. taki prufuholur í landinu en ítrekar vandaðan frágang.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.6. 202004296 - Laxnes 2 - nafnabreyting
Borist hefur erindi frá Þórarni Jónssyni, dags. 24.04.2020, um nafnabreytingu á Laxnesi 2 L203324.
Málinu var frestað vegna tímaskorts á fundi 514.
Skipulagsnefnd er samþykk nafnabreytingunni Laxnes 2 í Laxnes og felur byggingarfulltrúa frekari úrvinnslu málsins.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.7. 2018084560 - Aðalskipulagsbreyting í Reykjavík 2010-2030 - iðnaðarsvæði fyrir efnisvinnslu við Álfsnesvík
Borist hefur útskrift úr gerðarbók skipulags- og samönguráðs Reykjavíkurborgar, dags. 15.04.2020.
Skipulagsráð samþykkti 01.04.2020 aðalskipulagsbreytingu á Álfsnesi skv. 1. og 2. mgr. 32. gr. skipulagslaga nr. 123/2010.
Málinu var frestað vegna tímaskorts á fundi 514.
Bréf lagt fram og kynnt.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.8. 201902406 - Leirutangi 10 - kæra vegna útgáfu byggingaleyfis
Lögð er til endurupptaka máls við Úrskurðarnefnd umhverfis- og auðlindamála vegna kæru á byggingarleyfi sem gefið var út 01.02.2019.
Endurupptaka er á grundvelli nýrra gagna.
Málinu var frestað vegna tímaskorts á fundi 514.
Málinu frestað til næsta fundar.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.9. 201902075 - Dalsgarður í Mosfellsdal - deiliskipulag
Lögð er til kynningar deiliskipulagstillaga fyrir Dalsgarð í Mosfellsdal. Gögn eru unnin af Guðbjarti Á. Ólafssyni dags. 12.05.2020. Athugasemdir vegna skipulagslýsingar voru teknar fyrir á 503. fundi skipulagsnefndar.
Skipulagsnefnd samþykkir að tillagan verði auglýst skv. 1. mgr. 43. gr. skipulagslaga nr. 123/2010.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.10. 201907002 - Frístundalóð í landi Miðdals - breyting á deiliskipulagi
Lögð eru fram svör við athugasemdum sem bárust frá Umhverfisstofnun, dags. 09.03.2020, vegna auglýstrar breytingartillögu deiliskipulags. Deiliskipulagið lagt fram til afgreiðslu.
Skipulagsfulltrúa falið að svara athugasemdum.
Uppfærð deiliskipulagstillaga samþykkt og skal hljóta afgreiðslu skv. 42. gr. skipulagslaga nr. 123/2010.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.11. 201905022 - Selvatn - ósk um gerð deiliskipulags
Lögð eru fram svör við athugasemdum sem bárust frá Heilbrigðiseftirliti Kjósarsvæðis, dags. 30.10.2020, vegna auglýstrar deiliskipulagstillögu. Deiliskipulagið lagt fram til afgreiðslu.
Skipulagsfulltrúa falið að svara athugasemdum.
Uppfærð deiliskipulagstillaga samþykkt og skal hljóta afgreiðslu skv. 42. gr. skipulagslaga nr. 123/2010.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.12. 202003234 - Markholt 2 - stækkun húss
Tillaga að stækkun húss að Markholti 2 var samþykkt til grenndarkynningar á 512. fundi skipulagsnefndar. Athugasemdafrestur var til 06.05.2020. Athugasemdir bárust frá Jana Nitsche, dags. 23.04.2020 og Vitalijs Lakutijevskis, dags. 04.05.2020.
Skipulagsfulltrúa falið að upplýsa málsaðila um efni umsagna og athugasemda ásamt því að vinna drög að svörum við innsendum athugasemdum og leggja fram á næsta fundi skipulagsnefndar.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.13. 202005033 - Súluhöfði 47 - fyrirspurn
Borist hefur erindi frá Kjartani Jónssyni, dags. 27.04.2020, með ósk um undanþágu vegna byggingarskilmála skipulags í Súluhöfða 47.
Skipulagsnefnd heimilar ekki frávik varðandi vegghæðir og útfærslu þaks en er jákvæð gagnvart útfærslu hússins að öðru leyti skv. 3. mgr. 43. gr. skipulagslaga nr. 123/2010.

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
6.14. 201710251 - Ævintýragarður - deiliskipulag
Lögð eru fram til kynningar drög í vinnslu af hönnun Ævintýragarðsins frá Landmótun, dags. 07.05.2020.
Lagt fram og kynnt

Niðurstaða þessa fundar
Afgreiðsla 515. fundar skipulagsnefndar samþykkt á 762. fundi bæjarstjórnar með níu atkvæðum.
Almenn erindi
7. 201406077 - Kosning í nefndir og ráð
Kosning nýs áheyrafulltrúa í fjölskyldunefnd. Fulltrúi M-lista.
Fram kemur tillaga um að Herdís Kristín Sigurðardóttir komi í stað Valborgar Ólafsdóttur sem áheyrnafulltrúi í fjölskyldunefnd.

Ekki koma fram aðrar tillögur og telst hún því samþykkt.
Fundargerðir til kynningar
8. 202005012F - Afgreiðslufundur byggingarfulltrúa - 398
Fundargerð 398. afgreiðslufundar byggingarfulltrúa lögð fram til kynningar á 762. fundi bæjarstjórnar eins og einstök erindi bera með sér.
8.1. 202005054 - Desjamýri 13A / Umsókn um byggingarleyfi
Veitur ohf. Bæjarhálsi 1 Reykjavík sækja um leyfi til að byggja úr forsteyptum einingum dreifistöð á lóðinni Desjamýri nr. 13a, í samræmi við framlögð gögn.
Stærðir: 17,3 m², 52,92m³.
Samþykkt

Niðurstaða þessa fundar
Afgreiðsla 398. afgreiðslufundar byggingarfulltrúa lögð fram til kynningar á 762. fundi bæjarstjórnar.
8.2. 202003244 - Súluhöfði 39, Umsókn um byggingarleyfi
Elvar Trausti Guðmundsson súluhöfð 27 sækir um leyfi til að byggja úr steinsteypu einbýlishús með innbyggðri bílgeymslu á lóðinni Súluhöfði nr. 39, í samræmi við framlögð gögn.
Stærðir: Íbúð 239,5 m², 49,7 m², 838,816 m³.
Samþykkt

Niðurstaða þessa fundar
Afgreiðsla 398. afgreiðslufundar byggingarfulltrúa lögð fram til kynningar á 762. fundi bæjarstjórnar.
9. 202005027F - Afgreiðslufundur byggingarfulltrúa - 399
Fundargerð 399. afgreiðslufundar byggingarfulltrúa lögð fram til kynningar á 762. fundi bæjarstjórnar eins og einstök erindi bera með sér.
9.1. 202005291 - Álafossvegur 22, Umsókn um byggingarleyfi/stöðuleyfi
Kjartan Sveinsson Brekkustíg 7, 101 Reykjavík, sækir um stöðuleyfi fyrir gám á lóðinni Álafossvegur nr. 22 í samræmi við framlögð gögn.
Synjað

Niðurstaða þessa fundar
Afgreiðsla 399. afgreiðslufundar byggingarfulltrúa lögð fram til kynningar á 762. fundi bæjarstjórnar.
9.2. 202004329 - Furubyggð 18-28 /Umsókn um byggingarleyfi
Fyrir hönd íbúa við Furubyggð 18-28 sækir Jónína Sigurgeirsdóttir Furubyggð 28 um leyfi til breyttrar útfærslu þaka sólskála á lóðunum Furubyggð nr.18-28 í samræmi við framlögð gögn.
Vísað til umsagnar skipulagsnenfdar.

Niðurstaða þessa fundar
Afgreiðsla 399. afgreiðslufundar byggingarfulltrúa lögð fram til kynningar á 762. fundi bæjarstjórnar.
9.3. 202005147 - Sveinsstaðir - Umsókn um byggingarleyfi
Guðbjörg Magnúsdóttir Sveinsstöðum sækir um leyfi til að byggja við núverandi einbýlishús viðbyggingu úr steinsteypu og timbri á lóðinni Sveinsstaðir í samræmi við framlögð gögn.
Stærðir: Stækkun 24,4 m², 100,7 m³.
Vísað til umsagnar skipulagsnefndar

Niðurstaða þessa fundar
Afgreiðsla 399. afgreiðslufundar byggingarfulltrúa lögð fram til kynningar á 762. fundi bæjarstjórnar.
10. 202005028F - Afgreiðslufundur skipulagsfulltrúa - 38
Fundargerð 38. afgreiðslufundar skipulagsfulltrúa lögð fram til kynningar á 762. fundi bæjarstjórnar eins og einstök erindi bera með sér.
10.1. 202003017 - Varmárhóll - Varmárskólasvæði - Deiliskipulagsbreyting
Tillaga að breytingu á deiliskipulagi var auglýst frá 24. mars til og með 8. maí 2020. Auglýsing birtist í Lögbirtingarblaðinu, Fréttablaðinu og á heimasíðu Mosfellsbæjar, uppdráttur var aðgengilegur á vef og á upplýsingatorgi.
Engar athugasemdir bárust.
Þar sem engar athugasemdir bárust við tillöguna, með vísan í 3. mgr. 41. gr. skipulagslaga nr. 123/2010, skoðast tillagan samþykkt og mun skipulagsfulltrúi annast gildistöku hennar skv. 42. gr. skipulagslaga.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
10.2. 201805150 - Reykjavegur 62 - skipting lóðar og staðsetning húsa
Skipulagsnefnd samþykkti í samræmi við 1. mgr. 44. gr. skipulagslaga nr. 123/2010. Áformin voru kynnt með dreifibréfi með athugasemdafresti frá 20. febrúar til 8. apríl 2020.
Kynningartímabil var stytt með undirskriftum hagsmunaaðila í samræmi við 3. mgr. 44. gr. Með vísan í 4. mgr. 44. gr. skipulagslaga nr. 123/2010, er byggingarfulltrúa heimilt að gefa út byggingarleyfi þegar að umsókn samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrði 2.4.4.gr. sömu byggingarreglugerðar hafa verið uppfyllt.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
10.3. 201911202 - Grenibyggð 36 /Umsókn um byggingarleyfi
Skipulagsnefnd samþykkti í samræmi við 1. mgr. 44. gr. skipulagslaga nr. 123/2010. Áformin voru kynnt með dreifibréfi með athugasemdafresti frá 6. mars til 8. apríl 2020.
Þar sem engar athugasemdir bárust við kynnta tillögu, með vísan í 4. mgr. 44. gr. skipulagslaga nr. 123/2010, er byggingarfulltrúa heimilt að gefa út byggingarleyfi þegar að umsókn samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrði 2.4.4.gr. sömu byggingarreglugerðar hafa verið uppfyllt.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
10.4. 201909154 - Reykjavegur 61 - beiðni um að reisa bílskýli að Reykjavegi 61
Skipulagsnefnd samþykkti í samræmi við 1. mgr. 44. gr. skipulagslaga nr. 123/2010. Áformin voru kynnt með dreifibréfi með athugasemdafresti frá 6. mars til 8. apríl 2020.
Þar sem engar athugasemdir bárust við kynnta tillögu, með vísan í 4. mgr. 44. gr. skipulagslaga nr. 123/2010, er byggingarfulltrúa heimilt að gefa út byggingarleyfi þegar að umsókn samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrði 2.4.4.gr. sömu byggingarreglugerðar hafa verið uppfyllt.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
10.5. 201910037 - Arnartangi 47 - viðbygging
Skipulagsnefnd samþykkti í samræmi við 1. mgr. 44. gr. skipulagslaga nr. 123/2010. Áformin voru kynnt með dreifibréfi með athugasemdafresti frá 24. mars til 24. apríl 2020.
Þar sem engar athugasemdir bárust við kynnta tillögu, með vísan í 4. mgr. 44. gr. skipulagslaga nr. 123/2010, er byggingarfulltrúa heimilt að gefa út byggingarleyfi þegar að umsókn samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrði 2.4.4.gr. sömu byggingarreglugerðar hafa verið uppfyllt.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
10.6. 201810320 - Brekkutangi 3, Fyrirspurn um byggingarleyfi
Skipulagsnefnd samþykkti í samræmi við 1. mgr. 44. gr. skipulagslaga nr. 123/2010. Áformin voru kynnt með dreifibréfi með athugasemdafresti frá 3. apríl til 6. maí 2020.
Þar sem engar athugasemdir bárust við kynnta tillögu, með vísan í 4. mgr. 44. gr. skipulagslaga nr. 123/2010, er byggingarfulltrúa heimilt að gefa út byggingarleyfi þegar að umsókn samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrði 2.4.4.gr. sömu byggingarreglugerðar hafa verið uppfyllt.

Niðurstaða þessa fundar
Afgreiðsla 38. afgreiðslufundar skipulagsfulltrúa lögð fram til kynningar á 762. fundi bæjarstjórnar.
11. 202005106 - Fundargerð 496. fundar Samtaka sveitarfélaga á höfuðborgarsvæðinu
Fundargerð 496. fundar Samtaka sveitarfélaga á höfuðborgarsvæðinu
Fundargerð 496. fundar Samtaka sveitarfélaga á höfuðborgarsvæðinu lögð fram á 762. fundi bæjarstjórnar.
Fundargerð 496. fundar Samtaka sveitarfélaga á höfuðborgarsvæðinu.pdf
Gagnagátt SSH.pdf
12. 202005105 - Fundargerð 495. fundar Samtaka sveitarfélaga á höfuðborgarsvæðinu
Fundargerð 495. fundar Samtaka sveitarfélaga á höfuðborgarsvæðinu
Fundargerð 495. fundar Samtaka sveitarfélaga á höfuðborgarsvæðinu lögð fram á 762. fundi bæjarstjórnar.
Fundargerð 495. fundar Samtaka sveitarfélaga á höfuðborgarsvæðinu.pdf
13. 202005110 - Fundargerð 883. fundar stjórnar Sambands íslenskra sveitarfélaga
Fundargerð 883. fundar stjórnar Sambands íslenskra sveitarfélaga
Fundargerð 883. fundar stjórnar Sambands íslenskra sveitarfélaga lögð fram á 762. fundi bæjarstjórnar.
Fundargerð 883. fundar stjórnar Sambands íslenskra sveitarfélaga.pdf
Fundargerð 883. fundar stjórnar sambandsins.pdf
14. 202005140 - Fundargerð 322. fundar Strætó bs
Fundargerð 322. fundar Strætó bs
Fundargerð 322. fundar Strætó bs lögð fram til kynningar á 762. fundi bæjarstjórnar.
Fundargerð 322. fundar Strætó bs.pdf
Auka tíðni á leiðum eftir 4.5.2020 tillaga til umræðu.pdf
Fundargerð stjórnarfundar nr. 322.pdf
15. 202005141 - Fundargerð 323. fundar Strætó bs
Fundargerð 323. fundar Strætó bs
Fundargerð 323. fundar Strætó bs lögð fram til kynningar á 762. fundi bæjarstjórnar.
Fundargerð 323. fundar Strætó bs.pdf
Strætó BS árshlutareikningur 31.3.20.pdf
Kynning árshlutauppgjör 31.03.2020 stjórn 08052020.pdf
Greiðslukerfið staðan 08052020.pdf
COVID -19 staðan 8.5.2020 kynning á stjórnarfundi.pdf
Fundargerð stjórnarfundar nr. 323.pdf
16. 202005278 - Fundargerð 53. fundar Heilbrigðisnefndar Kjósarsvæðis
Fundargerð 53. fundar Heilbrigðisnefndar Kjósarsvæðis
Fundargerð 53. fundar Heilbrigðisnefndar Kjósasvæðis lögð fram á 762. fundi bæjarstjórnar.

Tillaga D- og V- lista:
Samkvæmt minnisblaði lögmanns Mosfellsbæjar verður ekki annað séð en að verulegir annmarkar séu á framkvæmd fundar nr. 53 í Heilbrigðisnefnd Kjósarsvæðis. Á það við um boðun fundarins, framlagningu gagna og fundarstjórn. Bæjarstjórn Mosfellsbæjar hefur áhyggur af framgangi mála í nefndinni því svo virðist sem ákvæði stjórnsýslulaga um starfsemi stjórnsýslunefnda séu ekki virtar í starfsemi Heilbrigðisnefndar Kjósarsvæðis. Því felur bæjarstjórn bæjarstjóra að koma áhyggjum þessum á framfæri við ráðuneyti umhverfis- og auðlindamála. Jafnframt er bæjarstjóra falið að upplýsa bæjarstjórn Seltjarnarnes og hreppsnefnd Kjósarhrepps um þessa stöðu mála.

Tillagan var borin undir atkvæði. Tillagan var samþykkt með fimm atkvæðum. Fulltrúar C-, L-, M- og S-lista sátu hjá við atkvæðagreiðsluna.

Bókun C-, L- og S-lista
Fulltrúar Viðreisnar, Samfylkingar og Vina Mosfellsbæjar í bæjarstjórn Mosfellsbæjar telja eðlilegri málsmeðferð að fulltrúi Mosfellsbæjar í Heilbrigðisnefnd Kjósarsvæðis snúi sér sjálfur til ráðuneytisins og leggj fram kvörtun í ljósi þess að nefndin er sjálfstætt stjórnvald og ekki á forræði bæjarstjórnar.

Tekið er undir að verulegir annmarkar virðast vera á framkvæmd fundar nr. 53 í Heilbrigðisnefnd Kjósarsvæðis og boðun fundarins sem og framlagningu gagna og fundarstjórn hafi verið verulega ábótavant.

Fundargerð 53. fundar Heilbrigðisnefndar Kjósarsvæðis.pdf
Asbest úttekt Mosfellsbær 2019-2020.pdf
20200519 Umsögn Heilbrigðisnefndar til UAR.pdf
LexLögmannstofaReikningur2020_04_30.pdf
Minnisblað um skimun.pdf
UMH20040040 Bréf frá Mosfellsbæ.pdf
umh20040040 Bréf frá Seltjarnarnessbæ.pdf
UMH20040040 Kjósarsvæði óskað eftir áliti heilbrigðisnefndar undirritað.pdf
Fundargerð 53. fundar Heilbrigðisnefndar Kjósarsvæðis.pdf
2020 05 26 Minnisblað um framkvæmd fundar f bæjarstjórn.pdf
Fleira ekki gert. Fundi slitið kl. 23:19 

Til bakaPrenta